View English Translation

Information about this page

Next Page

Previous page

Next Chapter

Per aestatem nulla alia cultura egent radiculae, a lolio usque ad Octobrem purgandae. Puluinorum superficies tunc refodienda, omne lolium rastro remouendum terraque bona ac leuis pollicis altitudine puluinis superstruenda, ut solum sarritione amissum compensetur. Sequenti uere eadem ratione qua elapso anno, coluntur.

Radices istae non nisi tribus annis elapsis translocentur. Primo enim post translationem anno numquam tam egregie florent, quam secundo et tertio. Iterata quoque translatione radicum auctus impeditur. Quarto uero anno accessoria multitudo procrescens magnos bulbos infirmat minusque florentes reddit. Accessoriae plantulae separatim puluino committantur; bulbi uero grandiores iterum inserantur, ut floreant. Si in eodem puluino seruntur, quo antea crescebant, terra ad pedis altitudinem eximatur, et apta solutaque noua, uti monui, substituenda est; quod idem fuerit, ac si in alium seueris puluinim. Horulani Belgici *) hoc faciunt, quibus non nultum superest spatii. Qua de caussa terram quotannis e puluinis exemtam noua permutare solent, ita ut iisdem floribus idem puluinus adsignetur.

Vulgares Narcissi species spatiosis horti antibus inseruntur, ubi inter omnes flores radicibus bulbosis instructos, eminent, suaque uarietate anthophilis sunt oblectamento. Perdurabiles sunt istae radiculae, diffundunturque quouis in solo uel loco; ideo peraptae sunt hortis arboribus abundantibus, ubi sub arborum umbra plantatae per aliquot annos durant non translocatae. Quouis uere multos ferunt flores oculos delectantes.

Ionquilles ab ab aliis radicibus separari, atque antibus seu puluinis committi debent. Secundo semper anno transponantur; alias enim radices tenues longioresque crescunt raroque florescere solent. Idem euenit quoque, si uni eidemque solo commissae remanserint, qua de caussa saepius

*) Vid. Instruction pour les Jardins fruitiers et potagers, avec u Traite des Orangers et des Reflexions sur l'Agriculture, par Mr de la Quintinye. Nouvelle Edition, revue, corrigee et augmentee d'une Instruction pour la Culture des Fleurs a Paris, 1756. Gr. 4. Quintinye's compleat Gardener, abridged by London and Wise. Lond. 1701. 8.